Шпанија остана со максимален ефект и по петтото квалификациско коло за ЕВРО 2020 откако „црвената фурија“ стигна до цел плен и на гостувањето во Букурешт против Романија (1-2).
Триумфот ќе беше многу поубедлив ако Романците на голот го немаа извонредниот Татарушану, кој одбрани четири зицери во првото полувреме. На одмор сепак се замина со резултат 0-1 по пеналот на Серхио Рамос, откако Себалјос беше фаулиран во противничкиот шеснаесетник. Фудбалерот на Арсенал беше во главна улога и при вториот гол за Шпанците, откако извонредно го уфрли Алба зад противничката одбрана, по што левиот бек на Барса му асистираше на Пако Алкасер.
Андоне намали на 1-2, „фуријата“ последните десет минути ги одигра со фудбалер помалку по исклучувањето на Љоренте, но сепак успеа да спречи израмнување на домашната селекција благодарение на голманот Кепа и неговата одлична интервенција во судиското продолжение.
На останатите натпревари, БиХ славеше со 5-0 над Лихтенштајн, Данска триумфираше со 0-6 на гостувањето против Гибралтар, а Финска го доби дуелот со Грција со 1-0 со голот од пенал на Пуки.
Ирска и Швајцарија ремизираа 1-1, гостите први поведоа во 76. минута преку Шар, но Ирците собраа сили за израмнување преку Мекголдрик на пет минути до крајот на натпреварот.
Dani Ceballos’ wonderful hockey assist for Spain’s second goal. Also setup the first by winning the penalty for Ramos. pic.twitter.com/9ZcuKoURcj
— Mark Travis (@Mark_Travis) September 5, 2019
Karşınız da yeni forvetimiz florin Andone şuan oynanan ispanya maçında attığı gol pic.twitter.com/ELOCEbXYRP
— Lord VandaL GS (@GsLorduu) September 5, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
