Германскиот стратег Томас Тухел ја доби довербата на раководството на клубот да го води тимот на Пари Сен Жермен од следната сезона, а тој посакува едно од првите негови засилувања да биде Осман Дембеле, крилниот напаѓач на Барселона. Тој не се снајде најдобро во каталонскиот клуб и би добил дозвола да си замине, а Тухел е подготвен да плати 100 милиони евра за да го доведе на „Паркот на принцовите“.
Младиот стратег одлично ги познава квалитетите на Дембеле, заедно соработуваа во Борусија Дортмунд, па јасно е зошто посакува да го види и во редовите на ПСЖ. Дембеле претходно настапуваше во тимот на Рен и сигурно не би имал против да се врати во Франција, и тоа на голема врата, во дресот на моќниот Пари Сен Жермен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
