Рома ќе мора да бара нов напаѓач за наредната натпреварувачка сезона по лошите вести што римскиот клуб ги доби по тешката повреда на Теми Абрахам заработена на последниот дуел со Специја.
Англискиот репрезентативец денеска беше опериран во клиниката Кромвел во Лондон, каде што хируршкиот зафат на оштетените лигаменти минал без никакви проблеми. Сепак, повредата е многу сериозна, поради што на Абрахам му претстои пауза од осум месеци од фудбалските терени.
Ова практично значи дека „волчицата“ ќе остане без својот најдобар класичен напаѓач до почетокот на 2024 година, со единствена опција – Белоти, кој имаше катастрофална прва сезона во дресот на Рома.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
