УЕФА најави дека е отворена дисциплинска постапка против Реал Мадрид, Барселона и Јувентус поради потенцијалното кршење на правилникот, околу создавањето на новата Суперлига. Трите клуба практично беа основоположници на натпреварувањето кое сепак не се формираше.
„По истрагата која ја почнаа етичкиот и дисциплинскиот инспекторат на УЕФА, а во врска со таканаречената „Суеперлига“, отворена е дисциплинска постапка против Реал Мадрид, Барселона и Јувентус поради потенцијално кршење на законската рамка на УЕФА. Детални информации наскоро ќе бидат достапни“, соопшти УЕФА.
Останува уште да се види само дали и на кој начин УЕФА ќе ги казни овие три клуба. Постои можност казната да биде само парична, но им се заканува и до две години суспензија во европските натпреварувања.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
