УЕФА следната недела ќе одржи нов состанок на кој со националните сојузи и клубовите повторно ќе се одлучува за продолжението од сезоната.
Европската куќа на фудбалот претходно искажа намера сите лиги во Европа да се завршат до јули, а завршницата од Лигата на шампионите и Лигата на Европа да биде во август. Опцијата двете натпреварувања да бидат во август единствено значи организација на мини-турнири.
УЕФА подготвува план според кој европскиот шампион и победникот во Лигата на Европа ќе се добијат на турнирски начин и со еден добиен натпревар.
Планиран е разговор и околу баражите за пласман на ЕП кои би можеле да се играат дури следната година. Македонија во полуфиналната бараж пресметка од Лигата Д во Лигата на нации ја очекува дуел со Косово.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА