Капитенот на клуб Ливерпул, Вирџил ван Дајк, изјави дека оваа сезона е неприфатлива за англискиот клуб, бидејќи тимот го претрпе 18-тиот пораз оваа сезона во сите натпреварувања, објави „Би-Би-Си“.
Фудбалерите на Ливерпул беа поразени во неделата на „Олд трафорд“ од Манчестер јунајтед со 3-2.
„Ова беше многу разочарувачка сезона, неприфатлива сезона и тешка. Не треба да се сожалуваме себеси, мора да работиме и да го свртиме ова и да се погрижиме следната сезона да не се случуваат вакви работи. Ова не е Ливерпул“, рече Ван Дајк.
Ливерпул е на четвртото место на табелата во Премиер лигата со 58 бода и сè уште не обезбеди место во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
