Македонскиот првак Вардар го загуби и третиот натпревар во низа на летните тестови во Австрија. Денеска „црвено-црните“ беа поразени од новиот руски прволигаш Тосно со 1-0, и веќе трет меч последователно немаат постигнато гол.
Овие дуели со силни противници покажуваат дека Вардар сепак не е доволно квалитетен, или пак во моментов е недоволно подготвен, за да биде конкурентен на меѓународна сцена, а дуелите со Малме во квалификациите на ЛШ се се поблиску.
Тосно поведе во 16.минута со погодокот на Георгиј Мелкадзе, кој во соло продор надмудри неколку фудбалери на Вардар од одбраната и со удар од 14 метри го совлада Филип Гачевски.
Вардарци се обидоа со путеви од далечина на Којашевиќ и на Боарето, но без посебен ефект.
Во второто полувреме, македонскиот првак имаше поголема иницијатива, но повторно без стопроцентни шанси пред голот на противникот.
Тренерот Гоце Седлоски на овој меч стартуваше со следниот тим: Гачевски, Хамбарџумјан, Грнчаров, Новак, Демири, Спировски, Глигоров, Барсегјан, Којашевиќ, Фелипе, Боарето.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
