Најтрофејниот македонски фудбалски колектив Вардар остана без тренер, откако вчера по натпреварот со Гостивар оставка поднесе легендата на клубот Никола Глигоров. На вчерашниот меч со Гостивар, „црвено-црните“ беа поразени со 2-1, благодарение и на судиските грешки на арбитрите кои поништија гол за Вардарци, а потоа досудија смешен офсајд, и на крај и крајно сомнителен пенал во корист на домашниот тим.
Глигоров е прв тренер на екипата од септември минатата година, откако го замени Горан Симов на клупата. Амбициите беа пласман во Првата лига, но после вчерашниот пораз, се чини дека „црвено-црните“ се далеку од втората позиција на табелата.
Оставката за „ЕКИПА“ ја потврди и самиот Глигоров, кој се заблагодари на соработката, и му посака на тимот успех понатаму.
Најсериозен кандидат да го замени е Жикица Тасевски, кој и претходно беше поврзуван со клупата на Вардар, но беше и натаму под договор со грчки Ксанти. Доколку спорот во меѓувреме е решен, тогаш ќе нема никаква пречка да биде промовиран во „црвено-црните“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
