Македонскиот репрезентативец Дарко Велковски конечно добива вистинска шанса во дресот на хрватскиот прволигаш Ријека.
Два едноподруго натпревари Велковски добива минутажа за хрватскиот тим, на вчерашниот дуел благодарение и на повредата на Пунчец одигрувајќи 80 минути во триумфот од 2-0 против Истра.
„Секако задоволен сум што веќе се повеќе ја добивам довербата на стручниот штаб. Подготвен сум максимално, верувам во своите квалитети и затоа сум среќен и што сега некако доаѓа темпирање на формата и пред стартот на квалификациите со репрезентацијата за пласман на Европското првенство 2020“ – вели Велковски чиј играчки ритам е повеќе од добредојден и за селекторот на македонската репрезентација Игор Ангеловски посебно по проблемите со повреди на неколку стандардни дефанзивци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
