Веспрем им се врати на победите во ракометната Лига на Шампиони откако во 13. коло од групната фаза славеше над Кијелце со 35-33.
Натпреварот помина во изедначено темпо во поголемиот дел, а клучната разлика унгарскиот тим ја направи во средината на второто полувреме кога со серија од 4-0 стигна до предност од 26-23, а истата беше преголем залак за лидерот на табелата и покрај тоа што на крајот стигна на негатива од само еден поен.
ПСЖ пак ја оправда фаворитската улога на гостувањето кај „фенерџијата“ Динамо Букурешт и славеше со 31-39. Победата францускиот тим ја најави уште на крајот на првото полувреме кога со серија од 4-1 стигна до предност од 16-20.
Добрата игра на парижани продолжи и во вторите 30. минути во кои постојано се зголемуваше предноста, во еден момент гостите имаа и плус 8 (27-35) за мирен финиш и комотна победа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
