Вардар почна да се раздава бодови кои и тоа како му се неопходни во битката за опстанок. По пропуштената победа против Пелистер во Битола во последните секунди од натпреварот, на сличен начин испушти триумф и против Ренова во 90. минута.
А, „црвено-црните“ имаа предност и од 3-1 пред полувремето. Поведоа брзо со 2-0 со головите на Мирчевски и Попзлатанов, а потоа Ренова намали на 2-1 со погодокот на Селмани. Во 40. минута Филип Петковски постигна убав гол со глава за 3-1.
Но, во 42. минута Башким Велија врати со исто така убав гол за 3-2 пред полувремето…
И, кога се чинеше дека избраниците на Александар Васоски ќе освојат три бода, во 90. минута Ренова дојде до 3-3 со голот на Јашароски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
