Валенсија на домашен терен загуби од Севилја во 29. коло во шпанска Ла Лига. Бес и неверување предизвика најновата загуба, со која „лилјаците“ се најдоа во опасна зона и опасност идната сезона да ја мина во втората лига.
На споменатиот натпревар, за Валенсија на два пати се прегледуваше ВАР за да им се досудат пенали, но во двата случаи ВАР одлучи дека ги нема. Ова предизвика бес кај директорот на Валенсија, Хавиер Солис.
„Од натпреварот излегуваме згрозени и бесни. Ова судење е срамотно. И не станува збор само за пеналите. Ова беше грабеж во забавена снимка во кој беше вклучен и ВАР. Судијата проверуваше, а потоа најарогантно на нашиот капитен му објаснуваше што се случува. Доста ни е веќе. Ова смрти. Судијата кога ќе види што направи, тешко ќе заспие. Беше срамота напишана со големи букви. Не заслужуваме вакво судење. Мислам дека стигнав до бројка 17 грешки на ВАР. Не го обвинувам само судијата, екипата не е во форма, но ова е срамота. Грабеж“, рече Солис.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
