Рома ја оствари 11.победа во Серија А оваа сезона, откако на „Олимпико“ лесно излезе на крај со тимот на Спал, славејќи со 3-1. Гостите многу им ја олеснија работата на римјани, откако останаа со играч помалку во раната фаза од мечот. Дефанзивецот Фелипе уште во деветтата минута заработи црвен картон и го остави својот тим на цедило.
Един Џеко тоа го искористи десет минути подоцна и го отвори резултатот, а Кевин Стротман зголеми на 2-0. Лоренцо Пелегрини во 52.минута постигна трет гол за „волчицата“, а Вивиани беше стрелец на почесниот погодок за составот на Спал. Тој изведе пенал кој му беше одбранет, но во вториот обид сепак ја погоди мрежата на Рома.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА