Сан Антонио Спарс го совлада Далас Маверикс со 119-117, благодарение на поените на Демар Дерозан на крајот од мечот. На тој начин тие ја прекинаа серијата од пет последователни порази.
На една минута и 14 секунди до крајот, Дерозан ја зголеми предноста на Спарс на 117-113, но Маверикс израмни благодарение на четири поени на Дончиќ. Кошот за победа на Сан Антонио го постигна Дерозан на неколку секунди пред крајот. Дончиќ се обиде повторно да одговори, шутираше од средината на теренот, но не беше прецизен.
„Ова е разочарувачко, само тоа имам да кажам“, рече Лука по мечот.
Демар Дерозан беше најдобар во победничкиот тим со 33 поени (13-25 од игра) и 8 асистенции, Деџонте Мареј додаде 25 поени (11-17 од игра). Во тимот на Далас, Кристапс Порзингис постигна 31 поен (12-21 од игра, 3-8 за три) и 15 скока, Лука Дончиќ го заврши мечот со 29 поени (10-17 од игра, 2-8 за три) и 7 асистенции.
Маверикс го претрпеа својот втор пораз на последните три натпревари и во моментов се седми на Западот. Сан Антонио е на деветтото место на истата табела.
DeMar called game ? #GoSpursGo pic.twitter.com/fImzEL2Vps
— San Antonio Spurs (@spurs) April 12, 2021
Мајами хит ја оствари втората последователна победа откако ги победи Портланд Блејзерс со 107-98.
Портланд подобро го започна натпреварот, па по 12 минути поведе со 31-25. Сепак, следните две четвртини припаднаа на Мајами, кој се здоби со завидна предност (89-71), а потоа сигурно дојде до триумф.
Бем Адебајо го предводеше Хит со 22 поени (9-14 од игра), Џими Батлер додаде 20 (7-13 од игра), Горан Драгиќ постигна 7 поени (3-8 од игра, 1-3 за три). Во дресот на Блејзерси, Си еј Меколум постигна 17 поени (7-18 од мечот), колку што има и Норман Пауел (7-13 од натпреварот), додека Демијан Лилард застана на 12 (3-10 од игра). Јусуф Нуркиќ за 22 минути на теренот постигна 6 поени (2-3 од игра) и 9 скока. Во еден момент, 26-годишникот го напушти теренот поради болки во грбот, но подоцна се врати во игра.
Мајами е петти на Истокот, додека Портланд е шести на Западот.
? @Bam1of1 got all the buckets he wanted in this one pic.twitter.com/mvEXQxdSYR
— Miami HEAT (@MiamiHEAT) April 12, 2021
Минесота Тимбервулфс беше подобар од Чикаго Булс со 121-117, со што ја прекина серијата од два порази. Булс имаше предност во воведните минути, но Тимбервулфс ја презедоа контролата со серија од 21-8 во првата четвртина и потоа беа во водство на целиот натпревар.
Чикаго е 10-ти на Истокот по вториот последователен пораз. Минесота сè уште е на задниот дел на Западот.
The NBA standings through Week 16!
➡ Teams ranked 7-10 will participate in the NBA Play-In Tournament after the regular season (May 18-21) to secure the final two spots in the Playoffs for each conference. pic.twitter.com/3JjMUeRUkC
— NBA (@NBA) April 12, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА