Аталанта успеа да слави на тешкото гостување против Олимпик Марсеј со гол во финишот, но дуелот го одбележа инцидентот крај аут-линијата меѓу тренерот Јуриќ и најдобриот фудбалер на екипата, Адебола Лукман.
Нигериецот имаше поништен гол со ВАР, неколку минути подоцна Јуриќ реши да го повлече од игра, по што Лукман мина крај тренерот одбивајќи да се поздрави со него.
Хрватскиот стратег реагираше на ваквиот однос на крилниот офанзивец, а само реакцијата на спортскиот директор и на дел од резервите спречи посериозен инцидент.
„Такви работи се случуваат, постојат играчи кои се разочарани кога ќе излезат од игра, го видовте тоа и со Де Бруине во Наполи. Таквите работи ги решаваме во соблекувалната, но она што е најважно е Аталанта, клубот, тимот и навивачите“, изјави Јуриќ по мечот.
Clima sereno na Atalanta: Juric, conhecido por ser um brigão, discutiu forte com Lookman à beira do gramado. pic.twitter.com/w46tgDucYt
— Calciopédia (@calciopedia) November 5, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
