Најтрофејниот македонски клуб Вардар стигна до минимална победа од 1-0 на домашен терен против Охрид во натпревар од 19. коло во Втората фудбалска лига на Македонија. Херој за „црвено-црните“ беше Вилдан Керим кој победничкиот погодок го постигна во 85. минута од натпреварот.
До победа на домашен терен стигна и Воска Спорт која беше подобра од Кораб со 2-0. Стрелци на головите за тимот од Охрид беа Изаир емини во 36. и Ристе Илијовски во 92. минута. Лидерот Силекс одигра реми без голови (0-0) на домашен терен против Беса.
Гостивар одигра неверојатен натпревар на домашен терен совладувајќи го Кадино со убедливи 6-1, додека Тетекс триумфираше на домашен ден против Велешта со 2-0.
РЕЗУЛТАТИ – 19. КОЛО
Силекс – Беса 0-0
Воска – Кораб 2-0
Вардар – Охрид 1-0
Тетекс – Велешта 2-0
Гостивар – Кадино 6-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
