Најтрофејниот македонски клуб Вардар одигра без голови 0-0 на гостувањето кај Охрид во првиот натпревар од пролетниот дел од сезоната во Втората македонска фудбалска лига. „Црвено-црните“ иако пред почетокот најавуваа максимален учинок во вториот дел од сезоната, се лизнаа уште на првата пречка.
Лидерот Силекс одигра само нерешено 1-1 на домашен терен против Гостивар во првото коло од пролетниот дел од сезоната. Благоја Спиркоски донесе водство за кратовци во 29. минута, додека конечните 1-1 ги постави Стојанчо Велинов во 34. минута.
Фудбалерите на Воска без проблеми славеа на гостувањето кај Кадино со 0-2. Стрелци за гостите беа Арѓент Гафури и Изаир Емини.
Во преостанатите два натпревари од понудата во 16. коло Тетекс – Кораб 2-0 и Беса – Велешта 3-1.
ВТОРА ЛИГА – ЗАПАД (16. КОЛО)
Охрид – Вардар 0-0
Силекс – Гостивар 1-1
Кадино – Воска 0-2
Тетекс – Кораб 2-0
Беса – Велешта 3-1
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
