ЕКИПА на ЕП во Хрватска,
Билјана Б.Петрушева, Стеван Цаневски, Игор Паневски
Во извонреден натпревар водена на крилата на голманот Урх Кастелиц, репрезентацијата на Словенија славеше победа против Шпанија со 31-26 и на „црвената фурија“ и ги замрси сметките за полуфинале на ЕП во Хрватска. По моќното издание во претходното коло кога славеа победа против Македонија, овој пат Шпанците комплетно беа надиграни и заслужено поразени.
Словенците одлично го отворија натпреварот. Сигурната игра во одбраната и инспирираниот Урх Кастелиц кој влезе во составот на местото на Урбан Лесјак, ги исфрлија Шпанците од ритам. По девет минути игра, Шпанија беше во подредена улога, а Словенија водеше со 5-2.
Но, Словенците одново беа на немилост на романскиуте судии Дин и Дину. Трите исклучувања за 12 минути, им оставија простор на Шпанците да ја искористат предноста со играч повеќе на терен и да дојдат до пресврт поведувајќи со 6-8. Но, Словенците не паднаа под притисокот и најдоа начин како да се справат со гранитната одбрана на Шпанија. На шест минути пред крај на првиот дел дојдоа до ново изедначување (10-10). Се одбранија во последните минути, а во последниот напад, Борут Мацковшек постигна атрактивен гол од цепелин за предност на Словенија на полувремето од 13-12.
Во ист ритам, бескомпромисно и во полн налет Словенците го почнаа и второто полувреме. Шпанците се потешко наоѓаа решение во нападот, а избраниците на Веселин Вујовиќ ефектно ја казнуваа секоја грешка на противникот и со фантастична серија поведоа во 36.минута имаа преднсот од 20-15. пред налетот на храбрите слоивенци бодрени од бројните словенечки навивачи, Шпанија воопшто не делуваше толку моќно како во предтходниот дуел со Македонија. Се понервозно делуваше „црвената фурија“ пред инсиприраните „змајчеки“ и од минута во минута се повеќе губеше чекор. веселин Вујовиќ тактички го надмудри Жорди Рибера, а Словенија во последната четвртина влезе со предност од 25-18.
Рибера се обиде со длабока и поагресивна одбрана да ги сопре брзите Словенци, но вечерва Шпанците беа далеку под своето ниво. Дополнителен проблем за шпанската одбрана беше третото исклучување и црвениот картон на Виран Морос на десет минути пред крај. Со три гола во серија, Шпанците успеаја да намалат на 28-25 на пет минути пред крај. Но, Словенците знеја како да ја сочуваат преднсота и на крај славеа заслужена победа.
Јунак на натпреварот беше голманот на Словенија, Урх Кастелиц кој на крај заврши со 12 одбрани, а најефикасен кај Словенија беше Гашпер Маргуч со пет гола. Кај Шпанија, Феран Соле постигна шест гола, а Гонзало Перез де Варгас запиша 10 одбрани.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
