Играчот на Атлетико Мадрид Антоан Гризман игра во страшна форма. Тој вчера на дуелот со Елче, ја донесе победата на својот тим со две асистенции до своите соиграчи Феликс и Мората.
Французинот учествуваше во акциите на осумте од последните 11 голови на Атлетико Мадрид во Ла Лига. Во осумте меча, тој постигна три гола и имаше пет асистенции.
Добрата форма Гризман ја имаше и за време на Мундијалот во Катар, каде што беше еден од заслужните за стигнувањето во финале на Франција. И после Светското првенство продолжува со добрата форма.
Во 15 одиграни мечеви сезонава, Гризман има пет гола и пет асистенции. Токму Гризман е човекот кој може да ја спаси сезоната на Атлетико, со оглед дека тимот веќе заостанува од врвот во Ла Лига, а испадна и од Лигата на шампионите и нема да игра во Европа во пролетниот дел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
