Кошаркарите на Чикаго Булс ја прекинаа серијата од девет победи на Бостон Селтикс откако синоќа триумфираа на домашен терен со 121-107.
Вучевиќ и Дероузен со по 20 поени беа први имиња кај победникот, додека кај поразените недоволни беа 28 поени на Џејсон Тејтум.
Шампионот без услугите на Кари, Томпсон и Грин загуби на гостувањето кај Њу Орлеанс со убедливи 128-83. Брендон Инграм со 34 поени беше прво име во таборот на победникот, додека кај гостите Џордан Пул го заврши мечот со 26 поени.
Во останатите мечеви од синоќешната понуда: Кливленд – Атланта 114-102, Индијана – Орландо 123-102, Милвоки – Портланд 119-111, Минесота – Мајами 101-105, Оклахома – Њујорк 119-129 и ЛА Клиперс – Јута 121-114.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
