Претседателот на Ракометната федерација на Македонија, Живко Мукаетов е одликуван со „Орден за заслуги за Македонија“ од страна на претседателот, Стево Пендаровски.
Во указот потпишан од претседателот Пендаровски, се наведува дека орденот е доделен за континуитетот, иновативноста, визијата и беспрекорните професионални стандарди во современото корпоратовно управување во фармацевтската индустрија, за докажаниот квалитет во производството на брендовите кои се градени, одржувани и осовременувани со генерации наназад, за инвестицијата во новите технологии и во едукацијата и експертизата на кадрите кои ги создаваат брендовите, како и за неговата филантропска култура и широка општествена одговорност.
Покрај улогата на претседател на Ракометната федерација на Македонија, Мукаетов е еден од најуспешните бизнисмени во државата, како генерален директот на фармацевтскиот гигант „Алкалоид“.
Покрај Мукаетов орден за заслуги добија и Горан Стефановски, Зафир Хаџиманов и Ремзи Несими.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА