Зинедин Зидан беше бесен на изданието на своите фудбалери во првото полувреме, по што на стартот од вториот дел во игра влегоа Ареола и Марсело на местото на Куртоа и на Начо. Првичните информации беа дека двајцата првотимци се заменети поради слабата игра, но вистината е сосема поинаква.
Куртоа се пожалил на болки во стомакот непосредно пред мечот, на полувремето почнал и да повраќа во соблекувалната, по што морала да му биде укажана лекарска помош. Тоа се покажа како среќна околност за „кралевите“ бидејќи Ареола одбрани зицер при 0-2, со што овозможи Реал подоцна да се врати и да стигне до израмнување.
Што се однесува до Начо, тој заработи повреда на лигаментите на десното колено, поради што дефанзивецот на „кралевите“ ќе паузира најмалку два месеци од терените.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
