Реал Мадрид ќе му даде можност за избор на Лука Модриќ дали сака да си оди или да остане во Реал Мадрид, пренесува „Мундо Депортиво“.
Зинедин Зидан инсистирал 34-годишниот Модриќ сам да одлучи што сака, на што се согласило и раководството на клубот. Со оглед на тоа дека актуелниот договор на Хрватот му истекува следната 2020/2021 сезона, Лука пред влезот во последната година од договорот ќе мора да донесе одлука што сака.
Модриќ во кралскиот клуб пристигна во 2012 година освојувајќи бројни трофеи, меѓу кои и четири титули во Лигата на шампионите. Оваа сезона во дресот на Реал Мадрид одигра 29 натпревари запишувајќи пет гола и исто толку асистенции.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
