Знае кога е доста – Ориги му кажа збогум на фудбалот

Поранешниот белгиски репрезентативец Дивок Ориги реши да ја заврши кариерата на 31-годишна возраст, откако во последните неколку сезони не добиваше премногу шанси да ги покаже своите квалитети.

Тој ги мина најдобрите моменти во кариерата како член на Ливерпул, не беше стандарден првотимец во таборот на „црвените“, но ќе остане запаметен по неколкуте клучни погодоци, оној за 4-0 по брзиот корнер на Александер Арнолд во незаборавната победа на реваншот со Барселона, како и голот за конечни 2-0 во финалето од ЛШ против Тотенхем.

Тој одигра 175 меча за „црвените“, постигна 41 гол, но по заминувањето од „Енфилд“ не добиваше речиси никаква шанса да ги покаже своите квалитети, по што реши да ја заврши кариерата.

„Мојата цел за играта е исполнета. Живеев од детски соништа, играв на најголемите сцени, ги освоив најголемите трофеи. Благодарен сум на Бога за сето тоа. До сите мои фанови, клубови соиграчи и до моето семејство…. Ви благодарам“, објави Дивок Ориги.

My purpose in the game is fulfilled ⭐️

I lived out my childhood dreams, played on the biggest stages, won the biggest trophies. Grateful to God for all of it.

To all my fans, the clubs, my teammates and my family: this will forever be ours. Thank you.

The mission is complete.… pic.twitter.com/3CjHG0BeCy

— Divock Origi (@DivockOrigi) June 8, 2026