Германскиот тенисер, Александер Зверев, за прв пат во кариерата годината ќе ја заврши на првото место на АТП ранг-листата, објави асоцијацијата на тениски професионалци (АТП).
Зверев досега осум пати во кариерата, годината ја завршил меѓу десетте најдобри тенисери, а петпати бил меѓу првите петмина.
Годинава Зверев за првпат триумфира на гранд слем турнир и тоа на два, Ролан Гарос и УС Опен.
„Зад мене е фантастична сезона во која победив во Париз и Њујорк, а податокот дека годината ќе ја завршам на првото место на ранг-листата претставува остварување на сонот. Вложено е многу работа и труд за да се оствари оваа цел, посебно по враќањето од повредата на зглобот на ногата. Се радувам што годината ќе ја завршам со стил“, изјави Зверев.
Зверев моментно се наоѓа на второто место на АТП ранг-листата, прв сè уште е Јаник Синер за кого заврши сезоната, но Германецот на втори ноември и официјално ќе стане прв тенисер на АТП ранг-листата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
