Зверев си закажа финале со Алкараз во Мадрид

Александер Зверев е вториот финалист на АТП Мастерс 1000 турнирот во Мадрид, откако во второто полуфинале славеше над грчкиот тенисер, Стефанос Циципас со 2-1, по сетови 6-4, 3-6 и 6-2.

Во првиот сет на германскиот тенисер му беше доволен само еден брејк за да го добие со 6-4. Во вториот идентично одговори Гркот, кој исто така со само еден брејк стигна до негово освојување (6-3) и израмнување на 1-1.

Решавачкиот сет подобро го отвори Зверев кој брзо стигна до брејк предност (3-0) која ја задржа до крајот за конечен триумф од 6-2.

Во финалето Зверев ќе игра против новата надеж на светскиот тенис, Карлоз Алкараз од Шпанија кој на патот до финалето ги елиминираше Рафаел Надал во четвртфиналето и Новак Ѓоковиќ во полуфиналето.

Се вчитува...