Аларм во Реал Мадрид: Ајон паузира четири месеци, купен џин од 220 сантиметри - Екипа
Сакај СПОРТ!   Читај Спорт!   Живеј СПОРТ!
Ekipa
Ракомет
17/11/2017 20:24
Фудбал
17/11/2017 15:37
Ракомет
17/11/2017 12:37
Кошарка
17/11/2017 9:55

Аларм во Реал Мадрид: Ајон паузира четири месеци, купен џин од 220 сантиметри

Аларм во Реал Мадрид: Ајон паузира четири месеци, купен џин од 220 сантиметри

Проблемите на Пабло Ласо околу кошаркарскиот тим на Реал Мадрид уште повеќе се зголемија откако денеска беше утврдено дека повредата на Густаво Ајон е од сериозен карактер, па мексиканскиот центар го очекува повеќемесечна пауза од терените. Тој го повреди рамото за време на дуелот со Тенерифе, а деталните прегледи покажаа сериозен проблем, по што беше препорачана пауза од четири месеци.

Во ситуација кога „кралевите“ веќе останаа без Кузмиќ до крајот на сезонава, а сега им се заканува и долго неиграње на Ајон, јасно е зошто Ласо инсистира што поскоро да му биде доведен нов центар, со оглед на фактот дека и Томпкинс и Рендолф исто така минаа извесен период надвор од терените.

Како што јавуваат шпанските медиуми, Флорентино Перез експресно реагирал купувајќи го Валтер Тавареш, 220 сантиметри високиот „џин“ од Капе Верде кој како тинејџер настапуваше за Гран Канарија, а потоа имаше кратка авантура и во НБА-лигата, во дресот на Атланта хоукс.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.