Српскиот кошаркар Богдан Богдановиќ, по добивањето на МВП наградата на „Ол-стар“ мечот на „ѕвездите во раст“ направи голем скок на „руки“ пласманот во НБА лигата.
НБА лигата еднаш месечно го објавува пласманот на новајлиите во лигата според квалитет, а на најновиот Богдановиќ се најде на третото место.
Годинашната „руки класа“ е преполна со извонредни кошаркари, идни ѕвезди. Пред Богдановиќ на листата се само Бен Симонс од Филаделфија и Донован Мичел од Јута, а зад него сега се Кајл Кузма од ЛА Лејкерс, Џејсон Тејтум од Бостон, но и Денис Смит од Далас.
Богдановиќ на 55 одиграни натпревари во НБА лигата просечно бележи 11,5 поени, со 3,2 асистенции и 2,7 скока.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
