Кливленд го израмни клупскиот рекорд од 13 победи во низа, Дурант го водеше Голден стејт до славје - Екипа
Сакај СПОРТ!   Читај Спорт!   Живеј СПОРТ!
Ekipa
Коментари
11/12/2017 12:49
Ракомет
11/12/2017 11:00
Меѓ. Фудбал
10/12/2017 19:26
Кошарка
10/12/2017 19:35

Кливленд го израмни клупскиот рекорд од 13 победи во низа, Дурант го водеше Голден стејт до славје

Кливленд го израмни клупскиот рекорд од 13 победи во низа, Дурант го водеше Голден стејт до славје

Кливленд славеше против Сакраменто на домашен паркет во синоќешниот меч од НБА лигата потешко од очекувањата со 101-95.

Леброн Џејмс блескаше во триумфот на Кливленд со 32 поени, 11 скока и 9 асистенции, од кои постигна пет врзани поени во последните 90 секунди од мечот кога се решаваше победникот. Најдобро го следеше Кевин Лав со 18 поени и 13 скока.

Во поразениот тим најдобар беше Зек Рендолф со 18 поени, 10 скока и 6 асистенции, а Бади Хилд постигна 17 поени.

Кливленд со оваа победа, 13-та во низа, го израмни клупскиот рекорд по бројот на едноподруго победи, а сега со скор од 18-7, додека Сакраменто го доживеа 17-от пораз наспроти седум победи.

Бостон, пак, ја запиша својата 21-ва победа сезонава славејќи против Далас со 97-90. Кајри Ирвинг беше незапирлив со 23 поени, а кај Далас, Барнс заврши со 19 постигнати поени.

 

Њу Орлеанс на крилјата на ДеМаркус Казинс славеше против Денвер со 123-114. Извонредниот Казинс постигна 40 поени, и на тоа дополни и 22 скока, а Гери Херис кај Денвер мечот го заврши со 24 поени.

Сан Антониот по лошото полувреме сепак запишаа сигурна победа против Мајами од 117-105. ЛаМаркус Олдриџ во победничкиот тим имаше 18 поени, додека во поразената екипа Џонсон заврши со 25 поени.

Актуелниот шампион Голден стејт стигна до лесна победа над Шарлот од 87-101. Од почетокот до крајот гостите имаа сигурно водство, додека домашните играа очајно, што Воините го искористија.

Најдобар поединец во победничката екипа беше Кевин Дурант со „трипл-дабл“ од 35 поени, 11 скока и 10 асистенции, а Кемба Вокер на спротивната страна постигна 24 поени.

Њујорк никс на дуелот против Мемфис славеше со 99-88, додека Милвоки на свој паркет победи против Детроит со 104-100.

Јанис Антетокуомпо беше најдобар во редовите на Милвоки со 25 поени, додека кај Детроит Андре Драмонд запиша „дабл-дабл“ од 27 поени и 20 скока.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.