Првиот светски рекет, Енди Мареј, најверојатно нема да настапува до крајот на сезоната. Британецот има проблем со колкот и според најавите, тој одлучил да оди на операција и да го реши проблемот со повредата.
Британските медиуми објавија вест дека по елиминацијата во четвртфиналето на Вимблдон, Мареј отпатувал во Швајцарија на дополнителни прегледи и консултации со специјалист. Според неговиот менаџмент, тој деновиве ќе има состанок со својот тим и најверојатно ќе ја донесе конечната одлука.
За првиот светски рекет има неколку опции, но сепак најреална е таа дека ќе мора да ја санира повредата и да направи подолга пауза во настапите.
Доколку се потврдат овие најави, Британецот нема да биде во можност да брани дури пет трофеи освоени во периодот од 9 септември до 20 ноември минатата година.
По елиминацијата на Вимблдон, подолга пауза во настапите најави и Новак Ѓоковиќ кој моментно е на 4.место на АТП листата, а една од причините за серијата лоши резултати е неговата повреда на лакотот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
