Работник лесно до бодовите против Вардар јуниор - Екипа
Сакај СПОРТ!   Читај Спорт!   Живеј СПОРТ!
Ekipa
Фудбал
27/06/2017 14:42
Фудбал
27/06/2017 11:51
Фудбал
27/06/2017 12:33
Ракомет
26/06/2017 17:17

Работник лесно до бодовите против Вардар јуниор

Работник лесно до бодовите против Вардар јуниор

Претпоследното коло од ракометната Супер-лига беше комплетирано со вечерашниот меч меѓу Вардар јуниор и Работник, на кој гостите од Битола рутински го освоија СРЦ „Кале“ со 23-31. Средбата немаше преголемо натпреварувачко значење со оглед на фактот дека Работник се пласираше во плејоф натпреварувањето, додека Вардар јуниор ќе игра плејаут за опстанок, но гостинскиот состав без оглед на се рутински ја оправда фаворитската.

„Вардарци“ се држеа и добро парираа само во првите дваесетина минути, за потоа во завршницата од полувремето „сино-белите“ да го наметнат сопствениот ритам и на одмор да заминат со убедлива предност од 9-15. Вторите 30 минути беа рутина за битолчани, кои не само што ја одржуваа позитивата, туку на крајот и ја зголемија до конечни осум гола разлика.

Португалецот Барош со девет гола беше прв стрелец на овој натпревар, Мајнов даде шест погодоци за Работник, додека најефикасен во редовите на Вардар јуниор беше македонскиот репрезентативец Мартин Поповски со седум постигнати гола.

Advertisement

Редакцијата на Екипа се оградува од сите коментари со навредлива и заканувачка содржина што ќе ги пласираат читателите. Воедно, бара од сите свои читатели да се воздржат од навреди по национална и верска основа. Таквите коментари ќе бидат повлечени.