Манчестер Сити ја обелодени пред јавноста статуата на Серхио Агуеро пред стадионот „Етихад“, одбележувајќи ја десетгодишнината од голот што Агуеро го постигна за победа над КПР и освојување на првата титула под водство на богатите арапски газди на „граѓаните“.
Статуата е во позата на Агуеро при прославата на голот, со дресот во рацете, а Сити како дел од промоцијата објави и видео од легендарниот погодок.
„Да бидам искрен, прекрасно е чувството да се види своја статуа пред стадионот на Манчестер, десет години по легендарниот погодок. Во овие десет години освоив бројни трофеи и му помогнав на тимот да стане еден од најдобрите во светскиот фудбал. Благодарен сум на луѓето од клубот што ми ја укажаа оваа чест“, изјави Агуеро.
We are delighted to unveil a permanent statue of Club legend @aguerosergiokun at the Etihad Stadium on the tenth anniversary of 93:20! 💙#ManCity pic.twitter.com/NUoyPyAMBm
— Manchester City (@ManCity) May 13, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
