Белоруската тенисерка Арина Сабаленка се пошегува дека била одлична спаринг партнерка за Новак Ѓоковиќ.
По убедливата победа над Елена Рибакина на ВТА турнирот во Вухан, Арина Сабаленка зборуваше за српскиот тенисер Новак Ѓоковиќ истакнувајќи дека двајцата тренирале заедно пред Мастерсот во Шангај и дека Ѓоковиќ ќе биде шампион благодарение на неа ако успее да ја освои титулата.
„Сакам да се дружам со Новак. Тој е секогаш подготвен да сподели добри совети. Трениравме неколку пати, беше одлично на теренот. Знае да се шегува и кога вежбаме, го славеше речиси секој поен против мене во свој стил. Се надевам дека бев добра спаринг партнерка. На крајот на краиштата, кога ги гледам неговите игри и резултати во Шангај, можам слободно да кажам дека сум. Ако ја освои титулата, тоа ќе биде благодарение на мене“, рече Арина Сабаленка со насмевка.
Новак Ѓоковиќ ќе игра во полуфиналето во Шангај во сабота, не пред 10:30 часот по средноевропско време.
Негов противник ќе биде Валентин Вашеро, а во потенцијалното финале негов противник би бил некој од дуелот Данил Медведев – Артур Риндеркнеш.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
