Вест Бромвич Албион по гостувањето против Манчестер Сити успеа да остане непоразен против уште еден фаворит, ремизирајќи 1-1 на „Енфилд“ против Ливерпул. Со тоа, Сем Алардајс ја продолжи традицијата одлични резултати против Јирген Клоп на „Енфилд“, останувајќи непоразени на четвртото гостување против Ливерпул откако Германецот седна на клупата на „црвените“.
Почетокот не навестуваше никакво изненадување, Ливерпул поведе со 1-0 со погодокот на Мане, по што домашниот тим целосно доминираше до крајот на првото полувреме, во кое гостите едвај излегуваа од сопствената половина.
Сепак, вторите 45 минути донесоа многу поинаква слика, ВБА се почесто се селеше пред голот на Алисон, а проблем плус за Клоп беше повредата на Матип, кој мораше да биде заменет со младиот Вилијамс. Ова придонесе одбраната на Ливерпул да загуби на сигурност, а ВБА го казни тоа со голот на Аџаји во 82. минута.
Ливерпул имаше шанса за победа во 90. минута, но голманот Џонстон го запре обидот на Фирмино, па избраниците на Клоп мораа да се задоволат само со еден наместо со планираните три бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
