Левиот бек на Барселона, Жорди Алба му се придружи на Лионел Меси во критиките кон Ерик Абидал. Французинот во интервју објави дека одлуката за отказ на Ернесто Валверде е донесена откако е утврдено дека многу фудбалери не се задоволни и дека постои проблем во интерната комуникација. Меси беше разочаран од тие коментари, а веднаш почнаа и шпекулациите за негово заминување од клубот.
„По клубот доволно с**ат луѓе кои не се поврзани со него, затоа не би требало тоа да го правиме и ние кои сме внатре. Од надвор ни фрлаат гомна, а ние внатре во клубот се гаѓаме со нив. тоа е вистината. Се знае каде е границата. Абидал беше фудбалер на Барселона. Навивачите го сакаат и затоа треба да знае како е тоа да се биде во соблекувалната и како се чувствуваат фудбалерите“, изјави Алба.
Останува да се види епилогот од целата ситуација, но како стојат работите Абидал е на излезна врата од „Камп ноу“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА