Александар Ѓурковски е деветтото засилување за Шкупи, пресрет новата сезона. 19-годишниот одбранбен играч во Чаир доаѓа од редовите на Вардар каде настапуваше минатата сезона.
„Сакам да и се заблагодарам на управата на клубот и тренерот Гоце Седлоски, за довербата и дадената можност да бидам дел од Шкупи. Знам дека се очекува многу од тимот како во домашното првенство, така и на меѓународна сцена. Токму тоа беше причината што решив да потпишам“ изјави Ѓурковски.
Прв предизвик за Шкупи во новата сезона е мечот од првото коло во Конференциската лига на УЕФА против Лапи кој е закажан за во четврток.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
