Езгјан Алиоски блеска во дресот на Лидс јунајтед со настапите во Чемпионшип-дивизијата, но македонскиот репрезентативец ги освојува симпатиите со својата скромност и човечност надвор од теренот.
Тој важи за еден од милениците на навивачите поради подготвеноста во секој момент да одвои дел од своето време за нив, а доказ за тоа е и последниот пример. Алиоски бил на вечера со своите пријатели кога му се приближило слепо лице со навивачки шал на Лидс јунајтед. Навивачот сакал да го допре Македонецот за да го осети неговото лице, а Алиоски без никаков проблем му го дозволил тоа. Случајот набрзина се пренесе преку социјалните мрежи, а фановите уште еднаш се преполни со комплименти за македонскиот ас.
„Голема благодарност до Езгјан Алиоски што му дозволи на мојот слеп вујко да му го прекине оброкот за да му ги почувствува очите. Многу му значеше тоа. Извинување што те прекинавме“ – напиша внукот на слепото лице, уште еднаш потенцирајќи ја човечноста на нашиот интернационалец.
Thank you so much so @ezgjanalioski for letting my blind uncle interrupt his meal to feel his eyes. Meant so much to him! @LUFC @andrearadri #ALAW sorry to interrupt you! pic.twitter.com/vSWrPsLHNS
— Longy (@buckall) December 23, 2017
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
