Навивачите на Манчестер Јунајтед едноставно се заситија од сè и решија да го истурат целиот свој гнев на социјалните мрежи по ремито (1-1) на тимот со Вест Хем во Премиерлигата.
Навивачите на Јунајтед ги окупираа социјалните мрежи и го „нападнаа“ Аморим затоа што го внесе Угарте место Куња во 77. минута од натпреварот. По само седум минути по таа измена, Вест Хем успеа да дојде до гол за конечни 1-1.
„Секој пат кога Угарте ќе влезе на теренот, тој прима гол. Угарте влезе и сè уништи“ – е еден од коментарите на социјалните мрежи.
„Едноставно, секогаш кога Угарте ќе добие шанса на крајот од натпреварот, ние примаме гол. Фактот што го стави Угарте пред Маино во ваков натпревар е доволен за да биде отпуштен. Угарте влезе на теренот и ја изгубивме целата контрола врз играта. Кога ќе научи веќе?“
Навивачите не се задоволни од начинот на кој Аморим го води тимот, но ниту од Угарте и неговите игри кога е на теренот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
