Македонската ракометна репрезентација до 21 година пристигнаа во Скопје, по одличниот резултат на Светското првенство во Алжир – освоеното шесто место.
Директорот на Агенцијата за млади и спорт, Дарко Каевски заедно со претставници на Ракометната федерација на Македонија ги пречекаа ракометарите на аеродромот во Скопје и им честитаа за постигнатиот успех.
Големо е задоволството и кај селекторот, Илија Темелковски, кој со својата стручност и искуство ги предводеше момците кон овој резултат.
Во разговор со ракометарите и во изјава за медиумите, Каевски напомена дека мора да се вреднува овој резултат на младата македонска репрезентација и со поддршка и заедничка соработка да се инвестира во ракометот за уште подобри резултати во иднина .
„Агенцијата за млади и спорт ќе ги поддржи дополнително ракометарите, со цел да продолжат со континуираните резултати. Само така ќе покажеме вистинска грижа кон спортот“, изјави Каевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
