Кошаркарите на Анадолу Ефес по неуспехот во овогодинешното издание на Евролигата, се „утешија“ со титула во турскиот шампионат. Тие денеска во Измир го совладаа тимот на Пинар Каршијака со 83-74, и така ја добија финалната серија со 3-0.
Екипата од Истанбул така стигна до рекордната 16-та титула во Турција, и го врати пехарот во своите витрини откако минатата година му го препуштија на Фенербахче.
Ефес иако настапи без неколку важни играчи како Клајбург, Данстон и Жижиќ, но тука беше Мициќ кој постигна 29 поени.
Мечот цело време беше речиси во „егал“, а во финишот се влезе со 71-71, во кој Ефес имаше подобар крај и дојде до титулата. Тренерот Ергин Атаман се прости со трофеј, откако од следната сезона седнува на клупата на Панатинаикос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА