Тренерот на Реал Мадрид, Карло Анчелоти е категоричен дека ја почитува одлуката на играчот од средниот ред Тони Крос да се пензионира ова лето, иако тој признава дека „кралевите“ ќе се мачат да најдат соодветна замена за него.
„Одлука на човек со м**иња“, го нарече изборот на Крос да замине во пензија по завршувањето на оваа сезона, и на ЕП 2024 година во Германија.
„Искусните играчи, легендите сами мора да одлучуваат за својата судбина. Тони ја донесе таа одлука и ние мора да го почитуваме тоа. Неопходно е да се збогуваме со него на најдобар можен начин. Го почитувам неговиот избор кој е на човек со м**иња, тоа е реалноста. Да се замени таков човек е речиси невозможно, но овој тим има млади играчи кои треба да ја преземат одговорноста и да продолжат по неговиот пат во последните десет години. Секоја година губиме дел од составот, но не и атмосферата, односот и посветеноста. Мора да ја одржуваме оваа атмосфера. Тони беше уверен во својата одлука. Би било совршено да се збогувате вака. Треба да имаш храброст да донесеш таква одлука и јас многу го почитувам поради тоа“, изјави Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
