Карло Анчелоти и младата турска ѕвезда на Реал, Арда Гулер се најдоа во фокусот на вниманието по синоќешната победа на Реал Мадрид против Бетис од 2-0 во Ла Лига.
Откако беше стартер против Ваљадолид, Гулер доби половина час против Лас Палмас, за да синоќешниот натпревар против Бетис го преседе на клупата, како што беше најчест случај и минатата сезона.
По мечот, како што пренесуваат шпанските медиуми, Анчелоти му пришол на Гулер и му се извинил на младиот Турчин затоа што не му дал ниту една минута. Но, во одговорот Гулер не само што се заблагодарил на тој гест на Анчелот, туку и бил крајно спокоен кога е во прашање одлуката на Анчелоти да не го користи.
„Тренеру, не барајте простување, јас ги почитувам одлуките“ – му рекол Гулер на трофејниот тренер, тврди специјализираниот портал на Реал, „Дефенс Централ“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
