Реал Мадрид одигра 1-1 против Манчестер Сити во првиот полуфинален натпревар во Лигата на шампионите. „Кралвите“ имаа предност, а Сити во вториот дел израмни преку Де Брујне, гол кој ќе се покаже дека требало да биде поништен, затоа што претходно топката го напуштила теренот.
По мечот истото го кажа и Карло Анчелоти, кој истакна дека го видел аутот и реагирал до судиите, но наместо ВАР проверка, добил жолт картон.
„Интересен и добар натпревар. Тежок за нас во првиот дел, а во второто полувреме бевме подобри. Тие го имаа поседот на топката во првиот дел, но ние одлично се браневме. Кога почнавме да играме создадовме многу непријатности. Останавме смирени, чекавме шанса и ја дочекавме да постигнеме гол. Мислам дека заслуживме да победиме особено ако се има во предвид голот на Манчестер Сити. Топката беше надвор. После мечот и технологијата го докажа тоа. Не разбирам, зошто ВАР не реагираше. Судиите не внимаваа на многу работи. Мислам дека по се што се случуваше заслуживме да победиме“, рече Анчелоти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА