Довчерашниот тренер на Наполи, Карло Анчелоти до сабота треба да биде промовиран на клупата на англискиот премиерлигаш Евертон.
Тренерската клупа во Евертон се испразни по заминувањето на Марко Силва, а како што пренесуваат најугледните англиски медиуми Анчелоти веќе ги финишираше преговорите „лице во лице“ со сопственикот на Евертон, Фархад Мошири, низ кое е договорена идна меѓусебна соработка.
„Договорот треба да се финализира во текот на утрешниот ден, а веќе во сабота Анчелоти треба официјално да биде промовиран. Но, без разлика и на промоцијата екипата престојниов викенд ќе ја води Данкан Фергусон“ – пренесува Би-би-си.
Според најавите Анчелоти би имал годишна плата од 11,5 милиони фунти, а доколку успее да го спаси Евертон од испаѓање ќе добие бонус од 2,5 милиони фунти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА