Вечните ривали на аргентинскиот фудбал Ривер Плејт и Бока Јуниорс ќе се сретнат во полуфиналето на Копа америка, една година подоцна по легендарниот финален двомеч, во кој Ривер Плејт, на „Сантијаго Бернабе“ во Мадрид се радуваше на трофејот во Копа Либертадорес.
Ривер Плејт одигра нерешено 1-1 нагости против Церо Портено што беше доволно за вкупна победа од (3-1), а ден порано Бока Јуниорс ремизираше 0-0 со Кито и со вкупни 3-0 се пласираше во полуфиналето на Копа Либертадорес.
За потсетување минатогодишниот финален двомеч го проследија голем број инциденти во главниот град на Аргентина, а реваншот наместо на стадионот на Ривер Плејт, се одигра на „Сантијаго Бернабе“ во Мадрид, каде Ривер по продолженија се радуваше на титулата континентален шампион.
Првиот меч ќе се игра на 1. или 2. октомври на легендарната „Ла Бомбонера“, додека реваншот на „Монументал“ е закажан за 22. или 23. истиот месец.
Во второто полуфинале се среќаваат бразилските Фламенго и Гремио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
