Арсенал ја продолжува трката за шампионската титула, откако на домашен терен на „Емирати“ во Лондон, ја совлада убедливо екипата на Њукасл со 4-1.
Победникот беше познат уште по 69. минути игра, кога „топчиите“ се стекнаа со предност од 4-0, а на крајот Њукасл само успеа да ублажи.
Ботман во 18. минута стрелаше во сопствената мрежа, и со многу среќа Арсенал дојде до предност, а потоа следуваше вистинска канонада по голот на Кариус, за Хаверц во 24. минута да донесе 2-0 по одличната акција со Мартинели.
Арсенал продолжи во ист стил и во вториот дел, па во 65. минута Сака донесе предност од 3-0, а Кивиор во 69. минута зголеми на 4-0.
Вилок во 84. минута само успеа да постигне почесен гол за Њукасл, кој сезонава има големи проблеми, и прашање е дали ќе успее да избори место во Европа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
