Арсенал со две победи на стартот на сезоната ќе му гостува на актуелниот првак Ливерпул во следното коло од Премиер – лигата. „Топчиите“ славеа на домашен терен против Вест Хем со 2-1 и им се придружија на Евертон и на Кристал Палас на врвот.
Тимот на Микел Артета имаше силен отпор од Вест Хем, но на крајот сепак успеа да го скрши отпорот на „чеканите“.
Александре Лаказет во 25.минута постигна убав гол со глава по нафрлувањето на Обамејанг. Но, Вест Хем израмни пред одморот, со погодокот на Микаел Антонио во 45.минута.
Артета направи вистинска замена, во игра во уфрли младиот Едвард Нкетија, кој во 86.минута на асистенција на Дани Себалјос го постигна победничкиот гол за Арсенал.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
