„Австралиската“ двојка во редовите на младата репрезентација Стефан Чолаковски од Мелбурн сити и Метју Божиновски од Мелбурн виктори не кријат дека со максимална возбудва го очекуваат првиот свој официјален настап во дресот на младата репрезентација на Македонија.
Чолаковски, кој игра во офанзивната линија, и централниот дефанзивец Божиновски се очекува да бидат во првиот тим на новиот селектор Драган Канатларовски за престојните два почетните натпревари, против Франција односно Србија, во квалификациите за ЕП 2023.
„Јасно е дека возбудата што ќе бидеме дел од македонската репрезентација е голема. Огромна е желбата и кај двајцата за успешни настапи со Македонија. Знаеме дека не чекаат два тешки натпревари против големи селекции како Франција и Србија, но подготвени сме сите во националниот тим да го дадеме максимумот. Немаме апсолутно никаков проблем со адаптацијата во репрезентативните редови“ – порачаа пред денешниот тренинг Чолаковски и Божиновски.
Репрезентацијата до 21 година на 3. септември гостува во Ле Ман против Франција, а на 7. септември во Охрид ја пречекува селекцијата на Србија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
