Прилепскиот прволигаш Победа денес го официјализираше и третото свое засилување за новата фудбалска сезона. Ангажиран е 23-годишниот интернационалец од Азербејџан, Турал Хумбатов.
Хумбатов игра на стоперската позиција, а може да ја покрие и позиција на последен играч за врска. Потекнува од школата на Зенит, а зад своето име има забележано и неколку настапи за репрезентацијата на Азербејџан.
Турал Хумбатов во Победа доаѓа од екипата на ФК Азал. Тој е трето засилување на прилепчани по Борче Маневски и повратникот во клубот Нове Ацески.
Инаку, фудбалерите на Победа продолжуваат со тренинзи според планот на тренерот Штерјовски за оваа прва фаза. На крајот на оваа втора работна седмица, в недела предвиден е првиот тест натпревар со Ренова во Охрид.
Од 13. јули експедицијата ќе се пресели во Банско, Бугарија каде ќе престојува 12 дена и каде засега е договорено да се одиграат контролни натпревари со бугарските второлигаши Монтана и Гоце Делчев – Пирин, со можност да се договори меч и со Академија Пандев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
