Баерн Минхен одигра максимално ефикасно на првиот контролен натпревар летово, декласирајќи го нисколигашот Ротах – Егерн со неверојатни 0-27.
Избраниците на Томас Тухел максимално мотивирани влегоа во мечот, па по 15 минути игра веќе имаа предност од 0-5, а до крајот на полувремето водеа со неверојатни 0-18. Тухел на паузата ги смени сите фудбалери, па падна и ефикасноста на германскиот првак, кој во вториот дел постигна „само“ девет погодоци.
Меѓу стрелците се запишаа и новите засилувања Лајмер и Гереиро, а последниот гол за Баерн во самиот финиш го постигна Садио Мане.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
